尋日李衞喺有垃圾圍城之稱嘅新市鎮遇到兩個傻佬。一個做緊佢個「新project」、一個a神不守舍咁四圍遊蕩。今日就等李衞踢爆呢兩個傻佬有幾騎呢！

李衞：點解喺呢度見到你嘅？

周一鑊：我嚟執「洋垃圾」吖嘛！

李衞：好哋哋執咩垃圾？

周一鑊：人要平等，垃圾都應該要平等。喺內地，「洋垃圾」好有價值，我諗住執啲舊電話返嚟評吓機！

李衞：你鑊鑊都扮有諗頭，可惜最後逼人幫你做冤大頭！慳啲啦！

周一鑊：我只係幫港人搵出路，諗深一層，垃圾係「與生俱來」嘅。其實垃圾圍城都唔係咁可怕啫，我要幫垃圾平權！

李衞：你係咪個腦有問題？

淫賤黎：（喺垃圾城遊蕩中，雙目無神、流口水狀）日日對住垃圾城，日日食毒果，搞到我開始控制唔到自己嘞！

周一鑊：唔緊要，等我唱首「忘不了你」畀你聽，定吓驚！

第一手消息請下載on.cc東方互動iPhone/iPad/Android/Windows Phone Apps