政壇：政商定格：王忠秣想發展low-tech業務
王忠秣
王氏國際一直係本港老牌工業股，以製造工業用電子產品為主，但主席Ben王忠秣尋日就話，俗語有云「hi-tech揩嘢」，所以公司想發展一些「low-tech」嘅新業務。
王忠秣
究竟王氏國際想搞乜嘢新業務？原來阿Ben話公司依家正研究食品業務的發展方式，早前同班員工出trip去泰國都係研究呢件事，據佢講最快都要明年中至有產品推出，亦有可能會收購市場上現有品牌，而地域上就應該會主攻中國市場，佢仲講笑話，希望可以做到旺旺咁大！
其實王氏國際嘅業務本身都幾多元化，除工業外，同新地亦合作發展緊觀塘一個寫字樓項目，但阿Ben就呻話兩年前為項目第一期補地價，每平方呎唔使一千蚊，今年為第二期補地價，就已經升到每平方呎四千蚊！佢覺得政府應檢討一下高地價政策。
