SUN搞作：網絡小說：香城邦論捐錢
古希臘有許多城邦，其中一個叫作香城。香城的公民大會上有人提出，最近強國斯巴達大地震，災民數以萬計，作為希臘人一分子，應該捐贈一億金幣給斯巴達。城中有名的公子，派了家臣發言：「強國斯巴達大地震，我哋唔可以見死不救！我主子決定飲少啲靚紅酒，捐錢畀災民。」台下一片嘈雜，爭論不休。
「斯巴達以前就話係窮親戚啫，依家同世界霸主波斯拗手瓜都得啦！」人群中一位大隻佬振臂一呼，正是大舊。他續說：「何況斯巴達咁多貪官，都唔知有幾多蚊落到災民手上！」台下不少人拍掌叫好。
「偏激！武斷！」家臣搖頭：「宙斯面前發死人財，係天網恢恢，疏而不漏！」胃鯨bb亦插嘴道：「唔捐即係懲罰災民啫！」在旁的鼠王芬聽到，也和議：「咪係，你估嗰班係選民咩？」
大舊力排眾議，大叫：「家陣希臘係理性思考大放光芒嘅年代，仲講埋啲『等天收』嘅老土嘢？我只係想捐得其所！」家臣胃鯨鼠王芬三人一聽，無不駭然：「咩……咩話！你竟然敢公然瀆神？快快拿下！」
四周士兵將大舊拿下，隨即審訊。家臣質問：「你係咪唔信希臘眾神？係唔係荼毒青年？」大舊慨嘆，難道香城又要重蹈雅典處死蘇格拉底的覆轍？
料史淋
