離開政府之後，肥亨馬時亨就成為社交活動嘅活躍者，日前佢帶埋一家人出席慈善晚宴，平時已經笑口常開嘅肥亨呢晚更加high爆，仲主動報喜，話細女露玲明年十月將正式擺酒結婚，原來係佢即將榮升第二任外父，唔怪之得咁開心喇。
肥亨係二十四孝好老公兼好爸爸，年前大女出嫁後，佢心掛掛嘅就係細女嘅歸宿，依家細女都傳出婚訊，見到乖女相繼搵到自己嘅幸福，肥亨同太太梗係翹埋手、笑唔停喇！
馬時亨夫婦（前排左一、二）同女婿Kevin、大女馬露明、細女馬露玲及男友（後排左起）一家到場支持基金會；同枱巧遇前無綫高層陳慶祥及太太前港姐馬倩衡（前排右二、一）。
