DJ森美尋日主持活動時唔知發生咩事，硬係讀唔到特首CY梁振英嘅英文名，一係就將CY講成「Mr CK Leung」，一係就叫CY做「Mrs CY Leung」，講錯晒，當然成功搶鏡。其實森美尋日一早就去咗會場綵排o架喇，之不過練咗幾次，幾次都錯，硬係讀唔到「Mr CY Leung」個名。原因係乜？得佢自己至知。之後影大合照嘅時候，森美再讀漏幾個區議員嘅名，搞到要民政事務總署署長陳甘美華親自提醒補鑊。
