政壇：吳永嘉打羽球夠勁度

中華廠商聯合會尋日喺維園舉行咗工商體育邀請賽，除咗會內健兒組隊落場外，仲向工業總會、中華出入口商會等友好團體廣發英雄帖，實行喺球場鬥一番。廠商會副會長吳永嘉（Jimmy）都有落場，平時官仔骨骨嘅佢揮拍勁度十足，不過最終雖不敵落敗，但佢都打得好投入。Jimmy話，佢由十一、二歲開始打羽毛球，後來仲打到入青年軍，但升讀大學後就擺低咗球拍，眨吓眼已十幾年。尋日同佢組成男子雙打嘅戰友係廠商會副會長吳清煥囝囝吳政鋆，為現役青年軍成員，仲啱啱代表香港出賽添，可惜最後仍落敗。

第一手消息請下載on.cc東方互動iPhone/iPad/Android/Windows Phone Apps

吳永嘉（左）同拍檔吳政鋆（右）瞓身應戰，雖敗猶榮。