SUN微博：黐筋網相：爛果報又錯！搞笑諾獎呃人
繼自詡「公信第一」嘅日月邪報大唱「A May Sing Grace」，響徹宇宙之後，今次爛果報又獻新猷，搶走莫言新鮮出爐嘅諾貝爾文學獎！原來爛果報尋日錯指莫言獲頒和平獎，莫非爛果報想老屈莫言原本文學獎嗰筆獎金唔夠錢買屋，要喺和平獎得主歐盟嘅乞兒兜入面拿飯食，加深歐債危機，導致世界末日？
當大家以為爛果報錯到咁，已經無以復加之際，眼利嘅網民又喺同版相關新聞發現另一驚人錯處！只見文中寫道，「莫言十多年來多次去日本『採風』，去年春天他二度尋訪前諾貝爾和平獎川端康成大阪府的故居。」憤怒的網民己經按捺不住，除了不忿爛果報平時經常作新聞、今次又「褫奪」已故作家川端康成嘅文學獎之外，更發起人肉搜索，發現原本嘅消息來源無錯，完全係爛果報自作孽！
莫言
川端康成
川端康成