政壇：吳克儉新髮型醒神
政府搞德育及國民教育搞到一頭煙，教育局局長嘅吳克儉早前都做到落晒形。不過，前日見到佢出席活動時好似有啲唔同，原來係佢剪咗頭髮，頭頂本來好清爽嘅位置依然好清爽，但兩鬢嘅頭髮就剪短咗少少，睇落咪精神咗囉！不過，有人聽到佢剪頭髮就好好奇咁問：「吓？吳局長個髮型已經好清爽囉喎，仲剪？」
再講，佢之前嘅新聞秘書李黎式暉（Mary Li）調咗去政府新聞處政府總部新聞組出任總新聞主任（特別職務），而由之前喺社會福利署任首席新聞主任嘅張志明（Roger）接手。
有人聽到Mary調返政府新聞處，就即刻話：「總部需要佢！」
