SUN微博：Sun畸事：國恥壹陸柒

貪曾鬼祟返港，着住白色背心條條揈，一身麻甩打扮，以為佢想轉行做豬肉佬，原來係做臥底保鏢！

鳳姐：雖然你係一個瘋度翩翩嘅豬肉佬，但係叫雞––即係菜心肥雞呀––都要畀錢o架……

貪曾：我以為我哋關係建基於喺私署（廉政）嘅接觸，估唔到原來都係錢……

鳳姐：咁入私署（廉政）都要車錢o架！

貪曾：如果我有錢一早找咗數，但係我呢期好唔掂，畀正義傳媒踢爆晒我啲衰嘢，你攞兩舊豬肉頂住先啦。

鳳姐：你好嘢！山水有相逢！

聞西：貪曾！675354！

貪曾：聞西！你仲記得我老冧！

聞西：國家有重要任務畀你！

貪曾：終於搵我嘞咩！

聞西：捷克總統唔滿意啲保鏢睇住佢畀人用氣槍射都冇反應，想搵你做佢新保鏢，上頭已經批咗！

貪曾：咁重要嘅任務！點解會搵我嘅？

聞西：經此一役，肯定會有好多人想暗殺捷克總統，上頭話，想搵個死不足惜嘅人去做保鏢，咁佢死咗都不足惜嘛！

貪曾：＠＊＆︿＊！％＊！％＃！）＠