SUN微博：SUN畸事：真潛水真告急

立會選舉之時，告急之聲此起彼落，真作假時假亦真，不少人着了假告急的道兒；如今選舉已過，又有一班人出來告急！其實急的話唔使大嗌嘅，廁所直行轉左……

淫賤黎：告急！告急！

神經翰：立會選舉完咗啦喎，你告咩急呀？

陳振窿：我就真係告急啦，窮到我呢……身家得番柒億咋。

大瘤：雖然我窮，但一講到睇醫生，我就有無限金錢。

曾雀屎：告急！告急！

大瘤：你邊位呀？告急大隊冇預你喎！

曾雀屎：唔好咁嬲，其實我都係出嚟混吉，同我四十年公務員生涯做嘅嘢一樣。

神經翰：佢都已經冇得返香港，見報少咗咁多，你咪由佢喺度插科打諢囉。

陳振窿：你兩個真係難兄難弟……

淫賤黎：爛果告急！台壹告急！

大瘤：你好似急咗好耐，有冇香港回歸咁耐？

神經翰：黐線，忍咁耐，個膀胱咩構造，仲神經過神經漢！

曾雀屎：仲屎過曾雀屎！

陳振窿：雖然我窮，都仲有錢搞回收嘅，柒蚊收晒你啲爛果夠唔夠？

淫賤黎：唉，睇嚟我要搵定工啦……各位有冇好工介紹？

陳振窿：係喎，數羊台請唔請瘋水師？

神經翰：數羊台執咗啦！

曾雀屎：咁福臨門請唔請洗碗？

大瘤：請嘅話都請我先啦！我係VIP嚟o架！

（花生友如有對號入座，請食自己）