政壇：快樂基金成員搵醫生過橋
提升快樂指數基金主席吳宏斌，日前請嚟老人科專科權威佘達明醫生講吓點樣提升快樂指數。佘醫生話最新醫學研究顯示，七十歲以上長者體重愈輕，壽命愈短，身高體重比例（BMI）保持喺偏肥嘅二十三至二十七之間最理想。此話一出，「分量」十足嘅基金成員即時拉隊去搵好嘢食，基金義務總幹事Helen陳詠梅仲帶埋男友前廉政專員「甜湯」湯顯明出席添！
Helen瞓身為基金奔走，甜湯就一直陪伴左右，唔講唔知，原來佢有份為快樂指數基金改名，仲獻策話要為弱勢小朋友做多啲嘢。
吳宏斌（左起）、佘達明、湯顯明同陳詠梅喺講座後合照。