SUN微博：打橫嚟講：深圳同胞文明行為草案
哈哈！呢頭香港特區剛公布放寬深圳民工可用「一簽多行」自由出入，嗰頭（前日啫），深圳政府卻立即推出一個名為《深圳經濟特區文明行為促進條例》的草案，向民間諮詢意見！
吓！大陸立例都會向市民攞意見？無睇錯吖嘛？係呀！人家愈來愈昌明啦！只有佢嘅鄰近地區才愈來愈肆無忌憚的為所欲為咋！
一、亂吐、亂扔香口膠渣、甘蔗渣、瓜果皮核、紙屑、煙頭或其他廢棄物，責令清理，並處二百罰款。真唔明，點解佢哋咁鍾意食蔗同剝花生嘅？
二、隨地吐痰、便溺的，責令清理，並罰二百元。更唔明，中國人二千年來都有痰不吐不快，兼個腎咁虧嘅？
三、從建築物、車輛上向外拋撒垃圾及其他廢棄物的，責令清理，兼罰款二百。
除呢啲濕碎小錯外，若佔用、損壞、拆除各類環境衞生設施或改變其功能的，責令還原及罰款一萬大元。唔知強拆人哋屋企住家，又點呢？
哼！香港海關其實好應該將該項草案條例製成一個大告示，戙喺邊關入境處，並且須再多加例如不准通街屙尿、換片、打尖、爭座位、戲院講電話、偷鋸羅漢松、搶購奶粉、爭老公、做黑工、瞓老麥、洗黑錢……（下刪三千字）
其實，點講都無用，唔係呢班同胞無文明無質素，而係香港有人支持個人遊會撐起香港經濟，嗰班大款係衣食父母，怎敢得罪，怎敢立例處罰，猶如入境處頭頭話要設法令他們賓至如歸，這才是款客之道呀！
次文化考古學家，對城中潮語有深入研究，博徵博引，廢官廢人行埋一邊。
就係敢爆：一簽多行有幾可行？
讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！
email：sunweibo@opg.com.hk
