政壇：政商定格：吳偉驄支持證監告安永
早前證監會炮轟放生中國高精密嘅「國家機密」事件，要求高精密再度停牌，搞到滿城風雨，日前證監會又以相同理由，要告標準水務嘅前核數師安永。尋日撞到證監會前副主席吳偉驄，問吓呢位老行尊點睇？佢一開口就力撐「前老闆」，話證監會只係表明立場，告上法庭純粹係想立案例，等日後再有類似嘅事都有例可依。
吳偉驄話揀間未上到市嘅公司嚟告安永，反映證監會喺處理上好小心，而且行動唔係想針對某一間審計行而做。對於啲內地公司嚟咗上市後就用國家機密做擋箭牌，佢話以前真係「聞所未聞」，又話中國對國家機密嘅定義太闊，呢種唔披露嘅做法對其他上市公司同小股東好唔公平。
吳偉驄相信證監會行動前都同中證監方面溝通過。