政壇：霍啟剛勞碌踢走包包面
尋日喺「香港大學生內地實習交流計劃2012夏」結業禮上，撞到將迎娶跳水公主郭晶晶嘅霍啟剛，見佢fit咗好多，冇晒包包面，尖尖臉輪廓出晒嚟，皮膚仲滑溜溜添！唔通佢又整……啟剛冇好氣話︰「我瘦咗一排啦！」咁啲皮膚咁好係咪成日幫襯美容院呢？「你估我係女人咩！依家工作好忙o架！」活動一完，佢就趕返南沙開工。講番佢個全城關注嘅婚禮，啟剛話大家關心佢當然好開心，但依家專注力都放喺工作先。
霍啟剛瘦身成功，同去年包包面差好遠。