次世代生活圈：讓愛書漂流人海交心

安徒生的童話中，有位國王把夜鶯困於宮中為他歌唱，結果令夜鶯變得憔悴。想不到在現實中，亦有一群青年不願心愛書本白白留在書櫃，毅然放手，遺留書本在餐廳裏、汽車上，甚至寄放在漂書會中，期望書本會遇上下一個惜書人，知識信念就此流傳。讓書本流浪吧！

「呢個活動源自西方，啲人將睇完嘅書，留張字條放喺公眾地方，或者透過張字條話畀人聽書本擺咗喺邊，等其他人帶返屋企，令本書好似船咁四處漂流。」二十二歲Danny說，漂書在香港是新概念，上年有團體舉辦漂書節，希望「釋放」全港書本。

「用張字條將讀後感寫落嚟，連書放喺漂書箱，等義工整理完放喺張長枱，大家就可一齊揀書。」活動中，Danny漂了兩本名人遊歷書籍出去，他說：「本書記載好多你平時唔會知嘅歷史知識，所以我喺字條寫住呢本書可以開放你眼界。」

有漂出去，亦有漂過來，他閱讀過多張書海中字條，有張令他最為難忘。「張字條寫住『年輕人經過的事太少』，鼓勵人一直向前，我當時心諗又係喎。」

一張小小的字條，將漂書者跟惜書人連繫，「你嘅心得一直流傳，下一個人又可以從多一個角度了解本書。」漂流的書本載着知識，亦載着閱書人間的心意。