City Parade：世紀Fun宴
「玩具大王」蔡志明二女蔡加怡上周六開心出閣，與設計師陳漢驄步入教堂。外父送四億豪宅賀囡囡，新郎就花心思擺世紀婚宴，喺會展筵開八十席，畀新娘子一個驚喜。城中富商巨賈雲集齊飲喜酒，歡笑聲不絕。另一邊廂，一個西班牙時裝品牌進駐香港，開設亞洲首間專門店，品牌早前喺中環ifc新店舉行盛大雞尾酒會。
陳蔡聯婚：終成眷屬
玩具大王千金蔡加怡嫁得有情郎，老公陳漢驄承諾永遠愛佢。
退休逍遙
前恒生女大班梁高美懿享受退休生活，同老公恩愛到賀。
唔敢搶鏡
合和主席胡應湘唔肯企定定影相，笑言:「又唔係我結婚。」太太胡郭秀萍都無佢符。
衷心祝賀
賭王四太梁安琪祝賀一對新人百年好合。
風騷赴宴
恒基主席李兆基單拖赴喜宴，表現風騷鬼馬。
眼前一亮
前商務及經濟局局長馬時亨肥仔不再，穿起收腰西裝，瀟灑有型。
時裝盛會：輕鬆去P
老公退下官場，前藝人張燊悅放下官太包袱，輕鬆去Party。
港姐出書
前港姐楊婉儀將出書教英文，老公王瑞勳都話好支持。
齊揀靚袋
四洲集團太子女戴凱欣(右)孖埋電影人黃漪鈞(左)揀番個靚手袋。