SUN微博：打橫嚟講：拾吓拾吓多膠魚
嗱！各位親愛的讀者朋友，你哋真係要衷心熱烈激讚那個環境局局長黃錦星呀，如果唔係佢，香港點會有個可記載入健力士世界紀錄大全嘅超級愛國愛港親子執膠大行動吖？
因颱風吹襲，一百五十噸「聚丙烯」塑膠粒傾墮落海，海事處及食環署得悉後十天，才告知食物及衞生局局長高永文，政府亦無向公眾發布消息，直至有環保團體在網站發起「拾膠行動」時，才讓全城嘩然。高永文則否認隱瞞事態，並說：「以後（如有同樣的事）會盡量再早一啲讓市民知道。」有邊次政府出錯，啲官唔係咁講o架呢？
黃錦星嘅回應話政府接得消息而沒主動對外公布，主因係「（對膠粒）專注追蹤同打撈，所以，喺通報方面做少咗」，吓！唔通四級大火都唔通知人疏散，就係為咗只顧救火先？
依家，已經有好多魚吞咗膠粒而死，呢啲多膠魚仲喺街市有售添！政府又派啲專家出嚟話：「人類進食少量聚丙烯膠粒，對身體影響不大的！」哦！以往啲專家總會補充說：「要長期攝取過量××，即每日食多過三公斤，食足兩個月，咁才會對人體構成危險！」高官們，你全家可放心食膠魚了！
差佬藉「科技化」換通訊儀器妨礙傳媒採訪，扼殺市民知情權，希望班官員唔好學埋佢哋啲衰嘢，如果唔係又點安心將香港交畀你哋管呢？
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊（目及）實夕陽政府
就係敢爆：奧運靚仔靚女逐個數
讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！
email：sunweibo@opg.com.hk
