SUN微博：Sun畸事：有奧運嘅啞視係得嘅！

昏睡四年，啞視漸已醒！奧運除了是健兒們的體育盛事，也是啞視的盂蘭盛會！據明眼人觀察，啞視播放奧運節目期間收視暴增兩點，廣告收入勁升一成，啞視高層盛品愚昧喜不自勝，要向藝員掟壽包慶祝。

陳啟太飾：得咗啦我哋得咗啦！我哋多咗個廣告呀！

盛品愚昧：嗚嗚……平時播賽馬先有個安全套廣告，依家竟然仲有HD雪糕同賴笳廣告，好感動呀……

陳啟太飾：三個廣告永不倒，千百財源水滔滔！啞視係得嘅！

盛品愚昧：呢四年有幾多明槍暗箭，我哋捱咁耐就係為咗呢兩星期……

陳啟太飾：所謂「四年不開倉，開倉食四年」，軍火商都冇我哋咁勁！

盛品愚昧：我實在太開心，啟太你去叫全台藝員過嚟，我要掟壽包畀佢哋！

陳啟太飾：盛總，依家人齊o架啦。

盛品愚昧：得你一個都叫人齊？

陳啟太飾：盛總，你太年輕了，你以為剛才真有那麼多藝員回應你嗎？其實全部都是我飾演的，不然我再扮另一個藝員來回應你。

盛品愚昧：咁你扮陳燒平嚟睇吓～

陳啟太飾：耶～好衰o架盛弟弟，今晚你屋企定我屋企呀～？

（花生友如有對號入座，請食自己）