政壇：貪曾私人秘書升官做署長

審計署早前揭發貪曾瘋狂外訪，貪盡全球，而批准貪曾住超豪總統套房正係前特首私人秘書甯漢豪。政府尋日公布，甯漢豪將於本月起升任地政總署署長。批准濫用公帑都有得升官﹖據聞，甯漢豪喺超豪套房一事上雖然受到外界批評，但亦有唔少公務員同佢講好話，聲言係公務員都知貪曾專權同貪小便宜，甯漢豪作為下屬，唔鬆手批准貪曾入住總統套房，將來一定冇運行。

甯漢豪現年四十八歲，八九年加入政務職系，曾任職前政務總署、前新機場工程統籌署、前公務員事務科、前教育統籌局、財經事務及庫務局等，再加上曾任貪曾嘅私人秘書，全部都係接近權力核心嘅重要職位，可見政府幾咁重視同栽培佢，今次升官其實唔令人意外。