政壇：阿Ann戰九西 蔣震夫婦站台
處女下海參加九龍西直選嘅蔣麗芸（Ann），除咗有另一半默默支持外，亦得到家人力撐，爸爸「機器大王」蔣震夫婦尋日仲着上佢嘅競選背心戰衣嚟撐場，爸爸大讚阿女有愛心、有毅力、全心全意為香港，相信一旦入到立法會會協助制訂好嘅法律。咁有冇信心阿女當選？蔣震好堅定咁話︰「有信心，沒信心她（阿Ann）就不出來，我也不會支持她，對不對？」
阿Ann亦發表參選感言，自爆當日決定入黨，係因為該黨○三年區議會選舉失利後，令佢反思香港應何去何從，所以最後決定加入汗水灌溉社區嘅行列喎！已報名參加九西嘅名單仲有白鴿黨黃碧雲、公文袋毛孟靜、民協譚國僑同西九新動力梁美芬。
蔣麗芸（右）報名參選立法會九龍西直選，父母蔣震夫婦（左一及右二）同老公梁海明（左二）專程到場打氣。