政壇：自誇拉布騷毓民中蕉

    • 曾向貪曾掟蕉嘅人民力量黃毓民，煞停貪曾增加生果金要資產審查嘅建議，大部分長者都拍案叫好，但亦有市民對毓民喺莊嚴嘅議會掟蕉好有意見。

    話說毓民尋日出席人民力量新界東團隊宣布參選活動，毓民作為壓軸嘉賓上台發言，當講到佢同陳偉業點利用議事規則「拉布」，阻止新政府架構重組方案通過時，藏身喺人群中嘅一名男子疑似不滿，突然將三隻香蕉擲向毓民，其中一隻擊中毓民嘅額頭並令佢眼鏡幾乎飛脫，即時惹來在場人民力量支持者不滿，有人更報警求助。至於另外兩隻香蕉嘅下落，據聞一隻畀人食咗，一隻唔見咗。

    話時話，黃毓民係掟蕉嘅始祖，今次「風水輪流傳」畀人掟番轉頭，最後仲要報警收場添。警方拘捕一名四十四歲曹姓男子，到夜晚該男子已獲釋，但警方就通緝另一名四十至五十歲男子。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    一名男子在現場接受警方調查，佢手上有幾隻香蕉。