「被捕唔使死」爬渠賊投降

【本報訊】「你肯被捕就唔使死！」一名「矮小飛賊」昨日凌晨在紅磡一幢大廈爬水渠圖爆竊，惟被住客發現報警，警方聯同消防員圍捕，疑人在半空扶着水渠，危站石壆邊緣拒絕就範，警員多番忠告，但他仍冒險由十樓爬落四樓，當發覺無路可逃才投降，事件擾攘半小時，住戶無損失。

疑人姓溫（三十一歲），貴州人，身高僅五呎，日前持雙程證來港，警方懷疑有人來港搵快錢。

十樓爬落四樓

昨日凌晨二時許，溫趁夜深人靜，潛入蕪湖街海德豪苑後巷，沿水渠爬上樓企圖爆竊，至六樓位置時，住客發現有人站在窗外石壆上，大驚報警。警員到場時，以為溫企圖跳樓自殺，急召消防員協助，惟因後巷狹窄，無法張開救生氣墊。

警員登樓進入單位，由窗口向溫查問，揭發他為竊賊。溫為求脫身，向上攀爬至十樓，警員急忙追上樓，以電筒照射溫及勸降：「幾十個差人圍住你，仲郁，你走唔甩o架喇，跌落去會死o架！如你肯被捕就唔使死！」溫懶理並再設法逃走，手腳並用沿水渠爬落四樓。當他往下張望時，驚見已再無落腳點，同時警員已封鎖現場，無計可施之際，警員又進入住戶單位，拆掉廁所窗花向他伸手示意，他心知難逃法網，遂接受警員協助，由窗口爬入屋被捕。警員在後巷檢獲溫的背囊，內有證件及衣物。