政壇：白鴿搵靚女洗老味

    • 近年喺年輕人心目中形象插水嘅白鴿黨，由於後生女性甚少，而且年紀有番咁上下，如果要向年輕男性選民吸票，應該難度極高。既然冇美女出選，惟有搵索女幫手拉票。

    三位索女分別叫Charmaine、Joyce同Bessy，一個電眼美人，一個大方得體，一個就鄰家少女feel，全部都係高材生，喺恒生商學院讀新聞與傳播學系主修公關。三位都話揀做政治公關係因為想接觸唔同階層市民，咁學嘢先最快喎！

    不過，白鴿黨好幾次落區都被人民力量狙擊，佢哋有乜計謀應付呢？Bessy就話首先要平心靜氣，唔可以互罵，聽完後仲施展一招「溫柔拍拍膊頭」，等對方嬲佢唔落喎。唔知白鴿黨憑幾位靚女，可唔可以將本身股「老味」洗走呢？

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    黃成智（右二）帶實習生Charmaine（左一）、Joyce（左二）及Bessy（右）見大家。