政壇：鄭明明約旦河受浸

    • 咁啱尋日喺一個場合遇到美容教主鄭明明，原來佢啱啱喺以色列朝聖返港，今次同行嘅有前影星孫佳君同「拉丁舞后」黃蕊一行多人，齊齊喺約旦河受浸，場面感人。

    明明姐係虔誠基督徒，早年喺香港已受浸，但今次喺約旦河受浸，感覺完全唔同，心情既興奮又感動，有個別嘅受浸者更感動到喊。除咗受浸，佢哋仲穿上白袍行苦路添！佢話，每當身邊嘅朋友受浸後，都會送上一個十字架，而喺當地見到好多鑲有紅寶石同藍寶石嘅十字架，於是狂掃咗一批十字架寶石吊墜返港，準備送畀朋友。

    轉頭又見到鯊魚女陳細潔，問起最近有冇外遊，佢話本來早前會同家姐一齊去沖繩，點知臨出發前，佢隻愛犬京京病咗，由於京京年事已高，所以拿拿臨帶京京睇醫生，放棄咗外遊機會嘞！由於京京依家仲要食藥調理，令佢好憂心咁話。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    陳細潔（左）、珠寶公司太子女吳嘉淳（中）同名模陳祉妤（右）難得碰頭，梗係嚟張合照喇！

    鄭明明喺約旦河受浸，心情既興奮又激動。