SUN世代：工業家二代 團結救未來
能力愈強責任愈大。孫榮聰（Eric）生於廚具世家，自小決心負起繼承家業重任，帶領生意再進一步，縱使面對工業在港式微的困境，亦無阻其步伐。他更銳意團結第二代工業家，培育業界新血，對抗被淘汰命運，「喺呢個嚴峻嘅時刻，自救先係業界唯一出路。」
「細個嘅時候，我哋住喺間廠樓上，成日都會喺廠入面跑嚟跑去。金屬嘅氣味、切割機發出嘅刺耳聲音，對我嚟講都特別有親切感。」Eric的童年，就是在一堆不銹鋼，與無數沙煲罌罉中度過。直至十二歲時，才遠赴澳洲求學。
回歸祖業碰上低潮
放洋留學的生活，未有令Eric忘記繼承家業的職責。大學畢業後，他決定先在外工作，令自己變強。他加入旅發局，負責到內地各省市推廣自由行，其後再到酒店工作，「公司一個主要生意來源，係向酒店供應餐飲用品，酒店工作嘅經驗，令我更了解客戶需要。」輾轉六年，初出茅廬的小伙子，視野擴闊了一點，經驗老到了一點，他心想：是時候回去了。
返回那熟悉的場地，形勢卻跟以往大大不同，「八、九十年代，係香港工業最輝煌時期，生意可以話係自己找上門，但到二千年左右，內地已經開始迎頭趕上。」Eric負責公司的業務發展，深明不能坐以待斃，除改善產品品質、增強售後服務外，亦積極開發新興市場。俄羅斯、印度，以至南美及中東不少國家，都滿布其足迹，「對新客一定要有耐性，唔好期望短時間就傾得掂生意。一次唔得，咪去兩次囉，兩次唔得，咪再去多幾次，肯堅持，總會成功。」
提供實習培育新血
成功開拓客源，穩住生意，卻又要面對金融海嘯衝擊，「舊客取消定單，又無新客，公司足足有半年時間接近完全停頓，好多規模較細、產品質素參差嘅同行，都支持唔住結業。我哋咬緊牙關半年，減省不必要開支，總算捱過咗。」
經此一役，Eric深深感受到香港工業界面對的危機，「政府對我哋嘅支援少之又少，要喺逆境生存，一定要靠自己。」適逢多個工業世家「換屆」，逐步由第二代接棒，他決定站出來，與其他工業家後代，成立香港工業總會青年委員會，更出任首屆主席，「希望可以提供一個平台，團結大家，加強彼此合作空間。」
Eric更希望，透過青年委員會，培育更多業界新血。他已聯絡不同大專院校，準備為大專生提供一年的實習機會，「好多年輕人覺得，做工業無前途，我希望佢哋試過之後，明白呢行依然機會處處。」責任愈大，他的能力亦隨之不斷變強。
Eric's Profile
學歷：澳洲新南威爾士大學商學系學士
現職：建業五金塑膠廠有限公司業務發展總監
公職：香港工業總會青年委員會主席、香港出口商會理事、香港塑膠業廠商會副主席、職業安全健康局行業委員會委員、深圳外商投資企業協會副會長
Eric於不同地方辦展覽，吸引新客人。
Eric（左一）與父親（左二），及兩名弟弟關係要好。（受訪者提供）
去年，Eric與其他年輕工業家，成立了香港工業總會青年委員會。
Eric（左）於一個活動上，與父親（右）及林鄭月娥（中）合照。