兩名憂鬱的浪子，帶上一身苦痛後悔與唏噓，在浪花四濺的岸邊偶爾遇上。
劉師兄：極危險，連思覺像也失調！
梁宮主：係囉，就好似我屋企，勢估唔到有咁多危險僭建。
劉師兄：應該記得記得，記得非常時期！
梁宮主：係囉，我應該記得，記得讀書時期學過嘅建築測量。
劉師兄：無法避免，令你沾上了污點！
梁宮主：係囉，未坐正就蒙上污點，以後好難服眾。
劉師兄：朋友，你都有聽開我啲歌喎。
梁宮主：吓，我以為你同我講嘢咋大師。
劉師兄：唔啦，我唱畀我心上人聽，點知佢驚咗我。
梁宮主：你啲歌我好有共鳴，睇嚟我哋都算同病相憐。
劉師兄：你心上人都係瘦田無人耕，耕開有人爭？
梁宮主：啱啱相反，係我爭緊嗰陣無人吼，爭完先嚟爆大鑊。
劉師兄：唉，希望你收好啲材料啦，唔止黑色嗰啲，我係話建築材料。
梁宮主：多謝，我都希望你耕番好塊瘦田，再狼死啲啦。
（花生友如有對號入座，請食自己）
