SUN微博：網絡小說：長毛Prison Break (Season 4)
上回提要：陶均衡因牛牛肥膏遮蓋身上所刺的地圖，誤闖懲教博物館，遭一眾營救的大漢唾棄。但禿鷹突然殺出，企圖封鎖後路，為一把手思歪殿後，捨萌連上下就像戴了齊心襟章一般，兔起鶻落間便制服禿鷹。雖然不見思歪影蹤，但均衡竟然聽到毛哥在唱《國際歌》……
點可以任得佢喺facebook貼啲熱血單身囡囡相出嚟引人入會，明目張膽咁賣萌㗎？
眾人四處張望，極力要找出歌聲的來源，他們只見走廊的牆壁上，及腰的地方有一個小洞。均衡一步一步接近，歌聲也愈來愈大，可當他把頭往洞口剛剛一伸，馬上便把頭縮回，大叫：「好臭！」
牛牛比較吃得苦，走近去看那洞，把頭貼往洞口並大叫：「毛哥？係唔係你呀？」
牛牛再叫：「有無人呀？」此時忽然一股氣流衝至，一把洪亮的聲音充斥室內：「只要我一息尚存，都會反對你！」不是長毛，還有誰？
均衝和牛牛大喜過望，馬上叫人從刑具中拿來當年越南船民的自製小鋸，慢慢鋸開鐵鎖。未幾打開鐵門，再用手機燈光一照，赫見只容彎腰的「棺材房」內，長毛怒目指住眼前的大便，面容抽搐。屈指一算，剛好是廿三條。本來均衡打算一見長毛就相擁，但看到周遭恐怖的環境，卻又打住。他問：「做咩事搞到咁污糟？」
「每日只分配得八格廁紙，惟有一次過清。」長毛苦笑道。「啲便便咁啱塞住個去水口，我先咁㷫啫。出到去我會幫囚犯撕法覆核，爭取多兩格。」
「咁我地依家快啲行啦！」牛牛繞過便便，向長毛遞手。
「唔得。」長毛盤坐地上堅定地說。一眾人等聽到，都不敢相信自己的耳朵，這可是經歷了許多季（season）的越獄計劃呀！
「毛哥！你仲要參選邋遢會㗎，你唔記得呀？」陶均衡悲憤道。
「你哋幾多人？」毛哥問曾經是捨萌連前主席的均衡：「我要講嘅重點係，前主席，唔夠人數，我要求點人數。」
均衡回頭一點，由於這不是鬼故，明明還有一架旅遊巴的人。只見眾人一臉迷惘，料不到長毛在越獄的節骨眼上，也要拉布。終於，牛牛忍不住了，激動地說：「毛哥！你知唔知出面發生咗好多事！人萌力量嘅亡羊達陛下佢呀，唔單止喺悼念遊行做選舉宣傳抽水，連個名本身，都抽乾埋李旺羊！」
均衡也搭嘴道：「你喺度鎖住，點主持大局呀？點可以任得佢喺facebook貼啲熱血單身囡囡相出嚟引人入會，明目張膽咁賣萌㗎？」
「鎖得住我個人，鎖唔住我靈魂。」長毛先開腔，然後頓了頓再說：「出面只係更大嘅監獄，我唔坐穿牢底，彰顯唔到法律面前，窮人恒忍。雖然我哋造反派無咩唔敢做，天生反骨，都係英傑之中嘅英傑，btw，當然唔好姓歐陽啦，但係今次，我意已決，請回啦。」
眾人正失望之際，忽爾一陣寒風吹來，一肥頭耷耳、項上掛着「10」字之人飄然而至，在棺材倉外道：「天生又點呀，天生殺人狂，唔係犯罪呀？天生遺傳cancer，就唔使醫呀？」（待續）
