City Parade：時尚黑旋風
德國名牌MCM的時尚版圖，喺香江大放異彩。中環娛樂行旗艦店開咗眨吓眼就一周年，品牌高層專程飛到香港開Party慶祝，奢華的慕尼黑風尚，吸引城中名流細心鑑賞。另一邊廂，友好協進會都慶祝二十三歲生日，上周三喺會展大排筵席，城中富商巨賈紛到賀。
熱帶氣息
剛往泰國充電嘅名模貝安琪，曬得一身蜜糖膚色。
重拾童趣
珠寶品牌Qeelin老闆陳瑞麟，西裝骨骨出席盛會，胸前卻戴上Bling Bling熊寶寶吊飾，盡顯童真一面。
為善最樂
MCM高層Sungjoo Kim（左）代公司捐七十五萬元予「智行基金」，身為慈善大使嘅千億新抱徐子淇（右）大表感謝。
享受拍拖
名模汪圓圓享受拍拖樂，未打算與男友蔡加讚拉埋天窗。
歐遊防賊
名模琦琦嘆歐遊常遇賊仔，惟有打醒十二分精神。
華麗演繹
一眾名模演繹MCM手袋和行李箱的時尚精粹。
友好協進會晚宴
單拖
新世界發展主席鄭家純單拖赴會，認真畀面。
朝聖
「美容教主」鄭明明（右）將帶老公陳樹德（左）遊以色列朝聖，心情興奮。
畀 面
前保良總理方劉小梅（左）陪老公方杰（右）往法國攞「紅酒貢獻大獎」，落機即趕來撐場，認真畀面。