政壇：政商定格：反曾長幅立會掛足兩日
尋日嘅午宴，係立法會同政府高層官員嘅定期聚餐，一班白鴿黨議員好似李華明、黃成智咁，都同公務員事務局局長俞宗怡等唔留任嘅高官合照，貪曾雖然都夠鐘走人，但泛民議員卻冇人騷佢，連審計署署長鄧國斌見到貪曾都好似見鬼咁兜路行。
最搞笑嘅係到入座食飯時，貪曾繼續成為杯葛對象，佢嗰枱一位泛民議員都無，原來佢哋喺抽籤時講明唔想同貪曾坐，抽到主家席號碼都擺番低。議員有抵制，秘書處又點呢?前日貪曾出席答問大會，議事廳個頂垂着條抗議長幅落地，隔咗一日，呢條抗議長幅都仲掛喺度，翌日一早開會嘅議員都頭望望，詫異工作人員點解仲唔做嘢?
立法會要日以繼夜開會，貪曾嘅面子早已經變咗地底泥喇。
