政壇：政商定格：呂大樂重提港英好日子
英女王登基六十周年嘅慶祝活動浪接浪，唔少香港人都忍唔住緬懷昔日「事頭婆」主事嘅日子，埋怨貪曾政府搞到民不聊生。港大社會學系教授呂大樂就話，佢遲啲仲會出書，講吓自己所經歷嘅七十年代，佢話唔係要抗衡戀殖情緒，只係想講吓自己嘅故事。
佢嘅新作暫名為《似曾相識七十年代》。前港督麥理浩當年大力興建公屋，又推出九年免費教育，仲成立廉政公署，一直被譽為大而有為嘅港督。不過佢就話麥理浩並唔係大家諗得咁勇於改革，佢對民主政制改革更加係避而不談，而早喺七十年代已經有聲音要推出公積金，但當時就未獲採納喎！
呂大樂嘅新作暫名為《似曾相識七十年代》。