政壇：搞搞政：組Band贈興建仔四官內訌
民建聯尋晚舉行成立二十周年文藝匯演，政制及內地事務局局長譚志源、特首辦主任梁卓偉、特首辦特別助理陳岳鵬以及本身係民建聯成員嘅商務及經濟發展局局長蘇錦樑（Greg蘇）獻唱《分分鐘需要你》，各人落力表演都賺到場內掌聲嘅，弊在佢哋做官唔見咁多掌聲呢！
Greg蘇事後話，自己唱得唔好都冇緊要，因為有梁卓偉「負全責」同譚志源「負雙倍全責」喎，暗寸呢兩個同事幫貪曾說話，嗰頭組隊、呢頭就揶揄對方，真係極度無品，建仔出品果然夠出色！
譚耀宗致辭時亦疑似變臉，不點名暗批貪曾形象太差，拖累經常保皇嘅建仔形象，希望新政府「有個好形象」喎。
