政壇：政商定格：海皇老闆最愛潮糉

    • 海皇粥店聯同仁濟醫院尋日合辦親子慈善糉子義賣活動，懲教署署長單日堅夫婦、海皇老闆蕭楚基、仁濟董事局主席鄭承隆同一班兄弟姊妹齊撐場。佢哋仲即場比試包糉，原來大家都係初哥，但絕對唔失禮，仲包得似模似樣添！

    蕭楚基同鄭承隆相識多年，原來係做善事結緣，加上同係潮州人，「加己冷」特別同聲同氣。講起食糉，佢哋不約而同話最愛潮州糉，餡料包括蝦米、栗子、五花腩，仲有豬網油包住啲花生同蓮蓉，鹹甜嘅味覺交錯，特別滋味。

    蕭楚基話今次捐善款同贊助全場糉子，為仁濟「明日更生慈善基金」籌款，幫在囚人士嘅未成年子女解決生活困難。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    仁濟靚女總理鄧肇殷（右）同黃美斯（左）獻出「第一次」落力包糉。

    蕭楚基（右）同鄭承隆都係潮州人，分外老友。