政壇：IT豪撐改組踢走蘇錦樑
新政府架構重組將新設科技及通訊局，主責目前由商務及經濟發展局轄下「通訊及科技科」嘅政策範疇，資訊科技界對此當然歡迎。
立法會資訊科技界議員「IT豪」譚偉豪，尋日係立法會資訊科技及廣播事務委員會上呻話，依家負責IT政策嘅政策局，個名連科技兩個字都冇，可想而之政府對IT政策嘅重視程度。不過，無名無分唔緊要，最令人傷心嘅係遭人冷落。
佢忽然有感而發話，蘇錦樑（Greg）喺過去半年都冇乜理過佢，又話如果架構重組唔可以喺七一前通過，即係話佢要對多Greg蘇半年。佢又擔心到時Greg蘇知道只係要搞多IT政策半年，極有理由會變本加厲繼續冷落佢。所以佢支持改組嘅理由好簡單，唔係怕香港會癱瘓，而係怕Greg蘇冷待IT嘅政策會延續，一句講晒，就係唔想見到Greg蘇囉！
