政壇：張建宗黑面回應升官

勞工及福利局局長張建宗尋日出席大學生暑期內地實習計劃出發禮後，就標準工時同青年就業問題滔滔不絕講咗十分鐘，但當記者問佢係咪會離開勞福局做副政務司司長，以及同盛傳將做政務司司長嘅林鄭月娥合作有冇問題時，一向態度親切嘅佢，面部表情頓時由笑面迎人變成黑面，又打手勢示意記者唔好再問落去，搞到在場記者都嚇咗一跳。唔知係咪問中咗佢嘅心事呢？

同場仲有商務及經濟發展局前局長馬時亨，佢話依家擔任緊幾間上市公司嘅董事，得閒仲會做吓義工，同去學校搵學生傾吓計，日子過得不知幾充實，所以重申絕無興趣重返官場。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

張建宗出名態度親切，但估唔到佢一被問到升官問題時竟然黑面。