獨行刀手捅「阿公」三刀

【本報訊】「你阿公畀人劈呀！」元朗發生懷疑黑幫斬人血案，前晚一名疑有黑社會背景男子，途經宏發徑時，被獨行刀手伏擊，身中三刀重傷送院，事後一批大漢趕到醫院探望，有人指：「佢就唔好彩啦，如果咁啱又有個交警經過，射低一件，佢咪無事囉。」

遇襲事主姓黃（三十七歲），疑有黑社會「十XK」背景，活躍元朗區。前晚七時許，黃獨自行經宏發徑後巷遭一名大漢撲出揮刀狂斬，黃閃避不及，左臂、右肩及右臂中刀，血流如注，右肩的傷口長一呎半，刀手得手後迅速逃離現場。警員接報迅速趕至，並召救護車將黃送院。黃送院後情況穩定，他表示無得罪人，不明遇襲原因。

治療期間，十多名大漢趕至，在電梯大堂議論紛紛：「叫佢唔好單拖，去邊都帶兩個o靚，以為自己好型，點知打電話嚟就話畀人劈兩刀」，又有高聲講手機：「喂，你阿公畀人劈呀，都唔知係咪『肥樂』、『肥謙』做嘅。」警方不排除今次事件涉及黑幫尋仇。