撞鬼?掃把佬剷茶餐廳

「撞鬼呀？」土瓜灣發生神秘黑影釀成驚險車禍。前晚深夜一輛俗稱「掃把佬」辣車駛經馬頭圍道時，突失事衝越兩條行車線，掃毀鐵欄再剷上行人路，險衝入一間茶餐廳，司機及一名車上友人受傷。警方到場調查時，司機慌失失聲稱馬路有一個黑影，扭軚閃避始失控，警方卻笑說:「撞鬼呀？」有街坊慶幸事發時行人路無途人，否則「就死得人多」。

前晚十一時許，姓林（二十九歲）司機駕駛俗稱「掃把佬」的富士跑車，載着年紀相若男友人沿馬頭圍道快線往紅磡行駛，當途至一一九號對開轉過左彎後，林聲稱突然看見路中有一個黑影出現，遂急忙扭左軚閃避，跑車即失去控制，剷越中線及慢線，順勢衝上行人路，掃毀約十米長鐵欄，繼而衝往一間茶餐廳。

「好彩無人，唔係死得人多」

當時該茶餐廳剛收舖，尚未落閘，幸好跑車連環撞毀豎立門前的數個宣傳餐牌後，車頭打轉再剷出行人路壆停下，不致直衝入餐廳內，而行人路上亦無途人，否則後果不堪設想。肇事跑車頭、尾均嚴重損毀，林頸部扭傷需要送院治理，其同行友人因只受輕傷拒絕送院。

事後有街坊路經現場，不禁驚訝說：「嘩！架車撞成咁嘅，好彩行人路咁啱無人，如果唔係，就死得人多喇。」茶餐廳職工猶有餘悸指稱，現場行人路平時有甚多途人來往，幸而事發時剛好無途人，否則後果堪虞。