SUN微博：打橫嚟講：甩毛雞死撐飯蓋
江湖格言：「錯就要認，打就企定。」連低下層蠱惑仔都明白的做人道理，那被議員稱為「禿鷹」的警務處處長曾偉雄竟漠視監警會對「黑影論」的指摘，也不顧七百萬港人的怨氣，居然還敢專橫跋扈、聲大大地說歪理：「講咗就講咗，（要我）收回言論，係不切實際嘅！」唔道歉兼話最重要係向前看就算啦！
一個應該稱得上係執法人員嘅主管，說話竟如斯無腦、不負責任，好比街邊爛仔發爛渣：「咩呀！唔打都打咗，使唔使畀你打番呀？」若咁嘅思維成立，毋須受罪，那麼，強姦犯都可以話：「咩呀！唔×都×咗啦！最多畀你×番咯！大家向前看罷啦！」咁都係？呢個世界仲使有差人查案同執法嘅！
禿鷹語無倫次寸爆鏡，唔該那無乜嘢做嘅煲呔責成吓甩毛雞嘅上司，即保安局頭頭去管吓佢啦！畀佢出嚟囂爆惹火，辣慶市民，好不利下屆新政府o架！係咪又想放個炸彈喺度，害阿振英哥先？
呢件甩毛雞，唔係死撐飯蓋，而係以為有比煲呔更有力嘅後台照住，才扮勁死不認錯，喂！西環大佬，咁好不切合中央和諧政策啫！點大和解呀？坊間傳聞，話甩毛雞會有機會再上一層樓，做保安局喎！千祈咪制呀！暴動都有份，佢情緒咁唔穩定，周圍害人，既不專業，又好樣衰，做「保安」都無人請啦！做局長？
次文化考古學家，對城中潮語有深入研究，博徵博引，廢官廢人行埋一邊。
就係咁爆：胡椒噴霧好使好用？
讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！
email：sunweibo@opg.com.hk
