政壇：政商定格：潘德鄰變身魔術王子
今時今日，出席社交場合必須要有幾招傍身，否則好難應付才藝表演呢個老中青都適用嘅節目。前晚醫療專業人士協會舉行晚宴，一眾醫療界人士柴娃娃，唔少醫生都要即席表演，骨科醫生潘德鄰繼前年一襲古裝表演古琴之後，又有新搞作。
今年佢冇玩變裝，但就表演魔術，由彬彬才子變身魔術王子，表現又點呢？潘德鄰表演嘅係啤牌，主持人大爆佢原本承諾三分鐘結束，點知要超時一倍、最少六分鐘先表演完。表演完台下一片熱烈掌聲，潘醫生算有交代囉！
晚宴有大批醫生出席，潘德鄰（左）同前醫管局主席梁智鴻（右）宴前雞啄唔斷。