City Parade：美飾約會
四億光芒閃耀社交圈。國際知名華人珠寶藝術家Wallace Chan，獲邀參與九月嘅「巴黎古董雙年展」，心情靚爆。日前將市值逾四億元稀世珠寶公諸同好，城中名人爭住先睹為快。人氣爆燈嘅「源Blanc de Chine」，有新Baby誕生，品牌喺置地太子大廈開新店，城中名媛紳士齊慶賀。
獨特品味
保良總理龐董晶怡鍾情簡潔首飾。
淡妝取勝
賭王千金何超盈淡掃娥眉，一樣省鏡。
艷光壓場
名模姚書軼（左）戴上全場最珍貴嘅頂級翡翠玉蟬胸針，林嘉綺（右）則戴上近四百卡拉海藍寶頸鏈，艷壓全場。
四億珠寶盛會
彤叔都讚
Wallace Chan（右）設計功架登峰造極，新世界發展前主席鄭裕彤（左）都讚不絕口。（徐家浩攝）
看得入迷
別致珠寶當前，嘉頓新抱張王幼倫睇到入晒神。
瑰麗登場
社交名人周譚蕙菁（中），拉埋千金周穎詩（左）及友人，齊欣賞瑰麗珠寶。
源Blanc de Chine新店開幕
華麗演繹
一眾名模演繹「源Blanc de Chine」的閃亮風采。
新婚燕爾
Neway太子爺薛嘉麟（左）與太太諸葛紫岐（右）新婚甜蜜蜜。
風塵僕僕
莊士集團太子爺莊家彬忙於打理家族地產生意，跑遍神州。