SUN微博：打橫嚟講：阿爺唔做貪曾，會點呢？

曾蔭權正一賤精，仲係賤到入骨嗰隻，當全港市民因有佢呢件咁嘅貪腐特首而感羞恥時，佢竟漠視公憤悻悻然大花公帑，巧立名目，外訪豪住五萬幾一晚嘅總統套房，還講大話死撐有工作需要，真他媽的佢祖宗生仔無JJ！

曾蔭權託詞出埠玩鋪勁，不特止香港人慶到上心口，連接待佢嘅外國元首也甚不「老利」，唔知佢走來做乜春，有嘢傾都留番下屆振英哥啦！你話得事咩？最老Q土的，例如澳紐嗰鑊，人家剛招呼完林鄭局長，你又嚟，想點呀？

香港特區政府處於換屆交接期，你煲呔借故行開，擺明想玩謝梁振英啫！但都唔使嘥我哋香港小市民的血汗金錢o架！你瞓一覺嘅房租，係洗碗工人要做1,928個鐘的收入；你兩公婆住那間3,800呎大房，可間50個劏房，容納百幾人o架！條數我哋識計，貪曾一定比我們清楚，佢明知也故犯，就係向大家吹口哨，展示「吹呀！你哋奈得我乜嘢何！」之傲氣。

貪曾預計中央阿爺會為面子，如果郁一個由他們欽點出嚟嘅劣質契弟，即係自認渣屎，故便有恃無恐打橫行囉！其實，總理主席大人，做Q佢個死鏟啦！全港全中國全球人類都知佢賤到無倫的了！郁佢不但不會無面，還樹立反腐倡廉的中國新形象，若果佢做政協副主席，會有損國家形象啊！阿爺唔郁曾蔭權，都望上帝給香港人一個公道，主呀，做佢啦！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府