on.cc 東方互動主頁

SUN世代：社福天使網助青少

那天，西藏下着滂沱大雨，在擠塞的公路上，有四名外國人焦急地拍打車龍上的每扇車窗，由於語言不通，他們找不到人幫忙，直至遇上她。「佢哋當中有兩個人病咗，又唔知自己去緊邊，於是我幫佢哋租車同埋住宿。」去旅行也不忘幫人，是網上青年協會主席何玉慧（Christie）的天性。她投身社福界多年，一直抱着感恩的心，希望能服務社群：「我自覺很幸運，能夠做到自己想做嘅事。」

愛助人的性格，Christie笑言是受家人耳濡目染：「細個嗰陣，有流浪漢經過我哋舖頭，婆婆會畀嘢佢哋食，佢哋仲當我婆婆係佢哋媽咪。」中學時期，Christie跟隨老師四出做義工，漸發現喜愛與人接觸。這發現竟影響了她一生。「原本想做警察，但大學無呢科讀，既然鍾意服務人，於是揀咗社工系。」最後她順理成章，成了註冊社工，畢業後開始服務社會。

Christie服務社會的第一步是特殊學校教職位。她生性樂觀，直言即使資源緊絀亦無損她助人的決心：「一個老師要對十幾個學生，根本睇唔到咁多，亦好吃力。試過有一位同學，學業上好多嘢都跟唔到，被其他老師認定為懶同蠢。但後來我發現，原來佢有嚴重斜視，唔係佢唔想做，係佢能力做唔到。」Christie身為數學老師，每日課餘時間，逐格逐格教那名學生看間尺上的刻度，該學生由完全不識到懂得使用間尺作量度，過程縱然十分花時間，她也心甘情願：「咪做多啲學多啲囉，幫到人都係開心嘅！」

喜迎挑戰　網站屢獲殊榮

水瓶座的Christie喜歡接受新挑戰，於二○○○年更成立網上青年協會。「千禧年係青少年服務嘅轉捩點。當時互聯網開始普及，我覺得可以借助網上平台去幫助更多青少年。雖然自己喺電腦方面認識不多，但好彩有從事IT嘅朋友幫忙。」在天時地利人和下，即使沒宣傳僅靠口碑，協會網頁點擊率仍可打入過全球首二千名，更獲影視及娛樂事務管理處頒發「十大健康網站」及「2003 至尊榮譽大獎」等殊榮。

看似一帆風順，但仍潛藏不少隱憂。Christie坦言，協會正面對經費問題。「雖然IT成本好低，但始終一搞活動都係要錢。」無論如何困難，Christie都未有放棄，她還感謝一直與她並肩作戰的委員。「佢哋都係兼職性質，但一直都為協會仆心仆命，有時仲會倒貼正職嘅人工，資助協會搞活動。」

十二年的努力，協會日漸走上軌道，義工不斷增加，但Christie仍希望更多人認識協會。「有能力就盡量幫，其實幫到人唔單止人哋得益，自己都有好大得着。」這顆為善之心，相信會伴隨Christie一生。