二○一一年即將畫上句號，六十一歲嘅港鐵行政總裁周松崗都喺尋日正式榮休，離開佢服務咗八年嘅鐵路公司。港鐵內部上禮拜已預先搞咗個大型歡送派對，有幾百個員工參與，輪流同周總合照都影咗成個鐘，各部門仲送上別出心裁嘅禮物，其中一份係由港鐵公關部門特別印製一份類似報章又似號外嘅《總裁快訊》，氹得周松崗好開心。份《總裁快訊》內容總結咗周總八年嚟嘅鐵路生涯，仲印有周總後生嘅肥仔相。
港鐵印咗份《總裁快訊》送畀榮休嘅周松崗做紀念。（港鐵提供）
