政壇：薩凡納港生贏樂園設計賽
首屆「迪士尼幻想工程香港挑戰賽」賽果日前誕生，薩凡納藝術設計學院（SCAD）香港分校嘅三名學生從七十支參賽隊伍中脫穎而出奪冠，佢哋將會獲全費資助，下個月代表香港前往美國加州迪士尼幻想工程總部參觀，仲會同全美幻想工程挑戰賽嘅總決賽隊伍交流添！
由梁嘉詠、陳曉鎣、高釧組成嘅冠軍隊伍，設計咗一個以迪士尼．彼思動畫《怪獸公司》為主題嘅遊樂地帶「Monstropolis」，當中包括機動遊樂設施、餐廳同影院，評判覺得個設計視野開闊，意念宏大但兼顧到細節，平衡度高。
比賽嘅亞軍同季軍分別嚟自理工大學同香港知專設計學院。
