政壇：政商定格：香檳慈善宴撐地貧童
地中海貧血兒童基金上禮拜五舉行籌款晚宴，今次係連續第四年同被喻為世界香檳王嘅KRUG合作，吸引好多名人善長共襄盛舉。基金主席鄭正訓見到賓客入場就打趣問人有冇帶錢嚟，逗得大家好開心。負責籌款晚宴嘅基金董事Judy梅韋祖蒂話明年底基金成立二十周年，將大搞籌款活動，令善心人士多啲關注地貧兒童問題。
鄭正訓太太張永珍鍾情收藏價值連城嘅古玩，但鄭正訓反而最鍾意飲酒，仲要日日飲日日醉先至過癮，笑稱家中擺滿各類靚酒，多到冇得行添！
鄭正訓（左）最鍾意飲酒，右為聯交所前主席鄭維健。
一眾基金靈魂人物同聯合國兒童基金香港委員會主席陳晴（右一）開心合照，左起為名譽會長楊執庸、董事梅韋祖蒂同副主席蘇碧嫻。
世界級香檳王KRUG，令城中名人掏腰包做善事更加豪爽。