政壇：翻版葉蘊儀出戰選委

特首選舉委員會各分組界別候選人正在備戰，近日網上卻瘋傳社福界有個靚爆候選人，就係「民福60」嘅碧樺依（BAIG Raees Begum）喇。唔少網民封碧樺依做「選委女神」，話希望投佢一票。不過，碧樺依就呻話，靚女選選委係冇着數嘅，「得個樣、冇內涵，我都唔會投畀自己啦！」

貌似前藝人葉蘊儀的碧樺依擁有博士學歷，點會冇內涵吖﹖碧樺依係中巴混血兒，個名係佢中國籍嘅媽媽改嘅，相熟嘅人會叫佢做「樺依」，佢話講得一口流利中文係爸爸逼嘅，雖然爸爸係巴基斯坦人，但知道中文喺香港好重要，所以要佢細細個就學好中文。

樺依現為社聯社會影響研究中心經理，佢話香港回歸後，中文愈來愈重要，但偏偏少數族裔嘅小朋友學習中文嘅機會就好少，而好多少數族裔人士根本唔知道有選委會選舉，所以幫少數族裔爭取權益就係佢參選嘅最大目的。