阿嫲吹雞搵乖孫出頭
【本報訊】奄尖阿婆「吹雞」搵乖孫幫拖！天水圍俊宏軒一名七旬老婦，昨午四時許，獨自到商場一間超市買生果，當時在水果櫃枱，擺放有多份特價出售的石榴，每份四個售價十二元。現場消息指，有人左揀右揀，良久仍未決定選哪一份，期間，更疑擅自選擇一些較大個的石榴，組合成一份。一名女職員（三十多歲）出言阻止，指店舖規定顧客不可擅自「配搭」，與老婦頓起爭執口角。
期間，老婦聲稱被人推撞，致電通知孫兒稱：「阿孫，你快啲落嚟，阿嫲畀人蝦呀！」同時亦致電報警。孫兒趕至後，老婦疑見有人撐腰，與女職員愈吵愈烈，警員接報趕至，擬將兩人分開查問，詎料有人突然上前掌摑女職員，警員立即制止，調查後，將老婦及女職員拘捕，由於兩人均報稱受傷，需同送院治理。
老婦由孫兒陪同送院。