城大尋日舉行畢業禮，其中兩個參加者係非洲國家津巴布韋總統穆加貝（Robert Mugabe）夫婦，因為佢哋個女波納穆加貝（Bona Mugabe）畢業，波納喺城大讀會計，穆加貝總統就話好多謝本港對佢個女嘅保護喎。不過，佢哋嚟到未必要警察保護，因為聽講佢哋有私伙秘密警察，要埋佢哋身未必咁易。
穆加貝夫婦一直都好鍾意香港，除咗送個女嚟香港讀書，第一夫人格蕾絲亦好鍾意嚟香港度假。其實今次穆加貝總統來港係做官式訪問，下一站仲會去埋北京添，目的係為津巴布韋尋求投資者。
津巴布韋總統穆加貝夫婦尋日出席女兒波納嘅城大畢業禮。（資料圖片）
波納
