政壇：哥頓太座准風流禁下流

    • 合和實業主席胡應湘（哥頓）早排一句「人不風流枉少年」引嚟好多議論，尋日胡太郭秀萍出席中文大學首個小規模書院「晨興書院」開幕禮時，都有回應老公嘅妙論，佢話風流都唔緊要，唔好下流就得喇。

    問到哥頓年輕時係咪好風流、身邊係咪有好多女朋友？胡太話，老公三十幾歲先至成家立室，都算係遲婚，如果話畀人聽佢結婚之前冇拍過拖，大家信唔信吖？過去發生咗嘅事，過咗去咪算囉。認真大方。咁佢對囝囝胡文新嘅感情事又點睇呢？胡太話，後生仔嘅感情事冇得干涉，盡番做父母嘅責任就夠喇。

    同場又見到中大校董會主席、前滙控大班鄭海泉，佢退落嚟後留喺香港，雖然瘦咗，但精神唔錯。

    「Money18免費即秒股票報價網站」現推出8升級功能，財經資訊，實時實發！

    胡應湘太太胡郭秀萍話，風流唔緊要，唔好下流就得喇。