政壇：工黨吹雞「實發」出世
立法會幾個勞工界議員正在籌備搞工黨，雖然職工盟李卓人角逐區選落敗，期望明年循超級區議會議席出選立法會嘅希望落空，但黨核心成員何秀蘭（阿Cyd）尋日承認佢哋依家冇人冇物（資源），唔會再諗參選超級區議員，但係亦無阻佢哋嘅創黨大計，將於下個月十八號正式成立。
勞工界都想「實發」﹖其實係咁啱啫，不過阿Cyd講笑咁話，佢哋可以考慮用柴可夫斯基嗰首《1812序曲》做黨歌，次序掉轉咗噃，呢個Gag真係爛到爆！佢唔肯透露有幾多同有乜知名黨員，淨係講工黨嘅重點將會放喺保育同保育城規等環保議題。