政壇：譚麗琼切燒豬賀10條1
尋日係一個特別嘅日子，新人雙雙對對共諧連理，好多人仲爭住喺十一點註冊、行禮，一於喺「6條1」之上再湊夠「8條1」。恒生銀行尋日都趁熱鬧，揀正「8條1」開個佔地逾7千方呎嘅一站式按揭服務中心，該行零售銀行及財富管理業務兩大高層，包括主管陳力生同埋分行網絡及抵押貸款業務主管譚麗琼扮到靚晒撐場，仲好開心咁切燒豬添。
譚麗琼一襲黑裙外，頸配一條珍珠長鏈，倍顯雍容。有心水清嘅人話，恒生呢個中心何止「8條1」呀，計埋佢嘅上市編號（即11號），尋日總共有「10個1」，直頭十全十美喇！